Farg‘onada “Lacetti” haydovchisi 57 yoshli fuqaroning o’limiga sababchi bo’ldi

Hozirgi kunda hodisa yuzasidan Jinoyat kodeksining 266-moddasi 2-qismi bilan jinoyat ishi qo‘zg‘atilgan.

Farg‘ona viloyatida “Lacetti” urib yuborgan fuqaro halok bo‘ldi. Bu haqda “Millar” dasturida xabar berildi.

Lavhada aytilishicha, Qo‘shtepa tumanidagi serqatnov yo‘llarning birida harakatlanib kelayotgan Lacetti’ning 30 yoshli haydovchisi boshqaruvni yo‘qotgan. Oqibatda mashina yo‘l chetiga chiqib ketib, xonadonlardan birining darvozasiga borib urilgan.

Hodisa vaqtida uyning kirish qismida turgan 57 yoshli fuqaro darvoza va “Lacetti” orasida qisilib qolgan. Oqibatda u og‘ir tan jarohatlari olib voqea joyida vafot etgan.

Qayd etilishicha, hozirda hodisa yuzasidan Jinoyat kodeksining 266-moddasi 2-qismi bilan jinoyat ishi qo‘zg‘atilgan, tergovga qadar tekshiruv harakatlari olib borilmoqda.

NOVA24 YouTubeʼda. Obuna boʻling
Asosiy yangiliklar va qiziqarli videolar