Ikki hududda avtokredit mablag‘larini o‘zlashtirganlar ushlandi
Mazkur holatlar yuzasidan Jinoyat kodeksining tegishli moddalari bilan jinoyat ishlari qo‘zg‘atilib, tergov harakatlari o‘tkazilmoqda.
Qoraqalpog‘iston Respublikasi va Qashqadaryo viloyatida avtokredit mablag‘larini o‘zlashtirish holatlari aniqlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.
Qayd etilishicha, departamentning Qoraqalpog‘iston Respublikasi boshqarmasi tomonidan o‘tkazilgan tergovga qadar tekshiruvda “L.N.” MChJ mas’ul shaxslari “D.” MChJdan “Isuzu” rusumli yuk mashinasini sotib olgandan keyin garovga qo‘yish sharti bilan hududiy tijorat banki filialidan ajratilgan kredit mablag‘ining 595 mln so‘mini ushbu MChJ orqali naqdlashtirib olib, talon-taroj qilganliklari aniqlangan.
Shu kabi departamentning Qarshi shahar bo‘limi tomonidan o‘tkazilgan tergov qadar tekshiruvda fuqaro B.E. va boshqalar hududiy tijorat banki filialidan ajratilgan kredit evaziga xarid qilingan “Kia Karnival” rusumli avtomashinani sotib yuborib, bank manfaatlariga 354,9 mln so‘m zarar yetkazganliklari aniqlangan.
Mazkur holatlar yuzasidan Jinoyat kodeksining tegishli moddalari bilan jinoyat ishlari qo‘zg‘atilib, tergov harakatlari o‘tkazilmoqda.
Мавзуга оид хабарлар:
Qoraqalpog‘istondagi YTHda velosipedchi halok bo‘ldi Qoraqalpog‘istonda yo‘lovchi poyezdida yong‘in chiqdi Qoraqalpogʻistonda 1-sinf oʻquvchisi darsdan juda qoʻpol tarzda olib ketildi Soxta havola orqali o‘zganing pullarini o‘zlashtirgan shaxs ushlandi Buxoro bug‘usini noqonuniy ovlagan brakoner 3,5 yilga qamaldi