Hasanboy Do‘stmatov WBO reytingida pastladi

Butunjahon boks tashkiloti (WBO) sentyabr oyi yakunida yangilangan reytingni eʼlon qildi.

Undan 7 nafar o‘zbekistonlik bokschi o‘rin oldi. Birinchi o‘ta yengil vazn toifasida jang qiluvchi Hasanboy Do‘stmatov 2 pog‘ona pastladi. O‘zbekiston boks terma jamoasining yangi sardori hozirda 10-o‘ringa joylashdi. -50,8 kg vazn toifasida jang qiluvchi Olimjon Nazarov bir pog‘ona yuqorilab 4-o‘rinda qayd etildi. Murodjon Ahmadaliyev hamda Bektemir Meliqo‘ziyev ham o‘z o‘rinlaridan pastladi. Shahram G‘iyosov vazn peshqadamligini saqlab turibdi.

• Hasanboy Do‘stmatov (birinchi o‘ta yengil vazn (-48,8 kg): o‘tgan oydagidan 2 pog‘ona pastlab, 10-o‘ringa joylashdi;
• Olimjon Nazarov (o‘ta yengil vazn toifasi -50,8 kg) o‘tgan oydagidan bir pog‘ona yuqorilab, 4-o‘rinni egalladi;
• Murodjon Ahmadaliyev (birinchi yarim yengil vazn toifasi -55,3 kg) o‘tgan oydagidan 3 pog‘ona pastlab, 8-o‘rinni egalladi;
• Muhammad Sheyxov (birinchi yarim yengil vazn toifasi -55,3 kg) o‘tgan oydagidan bir pog‘ona yuqorilab, 5-o‘rinni egalladi;
• Shahram G‘iyosov (yarim o‘rta vazn toifasi -66,6 kg) o‘tgan oydagi kabi vazn peshqadami;
• Bektemir Meliqo‘ziyev (super o‘rta vazn – 76,2 kg) o‘tgan oydagidan 2 pog‘ona pastlab, 11-o‘ringa joylashdi;
• Bahodir Jalolov (super og‘ir vazn – 90,7 kg) o‘tgan oydagidek 15-o‘rinda qoldi.

NOVA24 YouTubeʼda. Obuna boʻling
Asosiy yangiliklar va qiziqarli videolar