O‘zbekiston va Bagama orollari o‘rtasida diplomatik munosabatlar o‘rnatildi

TIV rahbari Baxtiyor Saidov O‘zbekiston butun dunyo bo‘ylab hamkorlari sonini kengaytirishga intilayotganini qayd etdi.

O‘zbekiston tashqi ishlar vaziri Baxtiyor Saidov BMTning Nyu-Yorkdagi bosh qarorgohida Bagama orollari hamdo‘stligi tashqi ishlar vaziri Frederik A.Mitchel bilan uchrashdi.

O‘zbekiston butun dunyo bo‘ylab hamkorlari sonini kengaytirishga intilmoqda, – deb yozdi O‘zbekiston TIV rahbari. – Bugun Bagama orollari Hamdo‘stligi bilan diplomatik munosabatlar o‘rnatdik.

Bahama orollari hamdo‘stligi tashqi ishlar vaziri Frederik A.Mitchel bilan mamlakatlar orasidagi masofa uzoq bo‘lishiga qaramay samarali aloqalarni o‘rnatish uchun ko‘plab muhim imkoniyatlar mavjudligi ta’kidlandi.

NOVA24 TikTokʼda. Obuna boʻling
Asosiy yangiliklar va qiziqarli videolar