O‘zbekiston Kabo-Verde va Seyshel orollari bilan diplomatik aloqalarni o‘rnatdi

Oʻzbekiston Seyshel orollari va Kabo-Verde mamlakatlari bilan diplomatik munosabatlar oʻrnatish toʻgʻrisida qoʻshma kommyunike imzoladi.

O‘zbekiston TIV rahbari Baxtiyor Saidov tashqi ishlar, hamkorlik va mintaqaviy integratsiya vaziri doktor Ruy Alberto de Figeyredo Soaresh bilan birgalikda O‘zbekiston va Kabo-Verde o‘rtasida diplomatik munosabatlar o‘rnatish to‘g‘risida qo‘shma kommyunikeni imzoladi.

Shubhasiz, yangi hamkorlik mamlakatlarimiz xalqlari uchun yangi imkoniyatlar ochadi”, deb yozdi Baxtiyor Saidov Telegram’dagi sahifasida.

Shuningdek, tashqi ishlar va turizm vaziri Silvestr Radegond bilan uchrashuv chog‘ida Seyshel orollari bilan diplomatik aloqalar o‘rnatish bo‘yicha qo‘shma kommyunike imzolandi.

Istiqbolli hamkorlikning muhim yo‘nalishlari, ayniqsa, xalq diplomatiyasi va sayyohlik almashinuvini rivojlantirishda ko‘plab imkoniyatlar mavjudligini ta’kidladik, dedi Baxtiyor Saidov.

Kabo-Verde Afrikaning g‘arbiy sohillarida joylashgan, 10 ta katta va 5 ta kichik oroldan iborat mamlakat hisoblanadi. Seyshel orollari esa Afrikaning sharqiy qismida, Hind okeanida joylashgan.

NOVA24 Telegramʼda. Obuna boʻling
Tezkor xabarlar va asosiy voqealar