Toshkentda odamlar go‘shtdan zaharlangani haqida xabar tarqaldi

Sanepidqo‘mita Toshkent shahar boshqarmasi holat bo‘yicha ma’lumot berdi.

Ijtimoiy tarmoqlarda poytaxtdagi “16-gorbolnitsa go‘shtdan zaharlanganlar bilan to‘lmoqda” mazmunidagi video xabar tarqaldi. Sanepidqo‘mita Toshkent shahar boshqarmasi bu bo‘yicha ma’lumot berdi.

Unga ko‘ra, ovqatdan zaharlanganlik bo‘yicha boshqarma hamda uning tuman bo‘limlariga shoshilinch xabarnoma kelib tushmagan.

Shuningdek, shifoxona va Sog‘liqni saqlash boshqarmasi bilan bog‘lanilganda video xabarda zaharlanganlik haqida ma’lumot bergan fuqaro tez yordam xodimi ekani va yolg‘on xabar tarqatgani aniqlandi. Xodim yolg‘on xabar tarqatgani tufayli prokuratura organi ushbu ishni ko‘rib chiqmoqda.

NOVA24 YouTubeʼda. Obuna boʻling
Asosiy yangiliklar va qiziqarli videolar