O‘zbekiston elektron hukumat reytingida 6 pog‘ona yuqoriladi

Oʻzbekiston “UN E-Government Survey”ning 2024-yilgi reytingida 6 pog‘ona yuqoriladi.

BMTning Ijtimoiy va iqtisodiy masalalar departamenti (UNDESA) 200 ga yaqin aʻzo davlatlar elektron hukumatining rivojlantirish holatini taqdim etuvchi “UN E-Government Survey”ning 2024-yilgi natijalarini eʻlon qildi.

Raqamli texnologiyalar vazirligining maʻlum qilishicha, 2022-yil natijalariga koʻra, Oʻzbekiston mazkur reytingda 0,7265 qiymat bilan 69-oʻrinni egallagan boʻlsa, 2024-yilda 0,7999 indeks hisobiga 6 pogʻona yuqoriga – 63-oʻringa chiqdi.

Oʻz navbatida ilk marotaba Oʻzbekiston elektron hukumatni rivojlantirish indeksi baland guruhidan (High EGDI) juda baland (Very High EGDI) guruhiga qoʻshildi. Ushbu natija “Raqamli Oʻzbekiston — 2030” strategiyasining maqsadli koʻrsatkichlarida 2025-yil uchun belgilangan 0,75 qiymatdan ham oshdi, deyiladi vazirlik maʻlumotida.

NOVA24 TikTokʼda. Obuna boʻling
Asosiy yangiliklar va qiziqarli videolar