Toshkentda uchta mashina ishtirokida YTH sodir bo‘ldi

Chilonzor tumanida uchta mashina ishtirokida yo‘l-transport hodisasi yuz berdi.

Toshkent shahar Chilonzor tumanida uchta avtomobil to‘qnashib, YTH sodir bo‘ldi. Bu haqda YHXB axborot xizmati xabar berdi.

Keltirilishicha, 18-sentyabr kuni soat 00:30 larda Chilonzor tumani KHAY—Qatortol ko‘chalari chorrahasida 1993-yilda tug‘ilgan K.D. boshqaruvidagi Nexia-2, 2003-yilda tug‘ilgan Y.A. boshqaruvidagi Malibu-1, 1995-yilda tug‘ilgan Sh.A. boshqaruvidagi Cobalt to‘qnashishi oqibatida yo‘l-transport hodisasi sodir bo‘lgan.

Hodisa natijasida Cobalt rusumli avtomashina haydovchisi tan jarohat olgan. Holat yuzasidan Toshkent shahar YHXB mas’ul xodimlari tomonidan surishtiruv harakatlari olib borilmoqda.

NOVA24 TikTokʼda. Obuna boʻling
Asosiy yangiliklar va qiziqarli videolar