Mingbuloq tumani sobiq hokimi yangi lavozimga tayinlandi

Prezident yig‘ilishida ishdan olingan Nurshod Xudoyberdiyev yangi lavozimga tayinlandi.

Nurshod Nurmamatovich Xudoyberdiyev Namangan viloyati qishloq xo‘jaligi boshqarmasi boshlig‘i etib tayinlandi, deya xabar bermoqda viloyat hokimligi matbuot xizmati.

Nurshod Xudoyberdiyev 1983-yilda Yangiqo‘rg‘on tumanida tug‘ilgan. 2004-yilda Namangan muhandislik-pedagogika institutini tamomlagan.

Mehnat faoliyati davomida u Namangan viloyati “Suvnazorat” inspeksiyasida turli vazifalarda ishlagan. 2015−2016-yillarda Mingbuloq tumani Zardaryo irrigatsiya tizimi boshqarmasi boshlig‘i bo‘lgan.

Shuningdek, u 2016−2017-yillarda Norin-Sirdaryo irrigatsiya tizimlari havza boshqarmasi boshlig‘ining birinchi o‘rinbosari, 2017−2019-yillarda Norin-Sirdaryo irrigatsiya tizimlari havza boshqarmasi boshlig‘i sifatida faoliyat ko‘rsatgan.

NOVA24 YouTubeʼda. Obuna boʻling
Asosiy yangiliklar va qiziqarli videolar