Erkin kurashchi Ulug‘bek Rashidov jahon chempion bo‘ldi

O‘zbekistonlik erkin kurashchi Ulug‘bek Rashidov U-17 yosh toifasida jahon chempion bo‘ldi.

Iordaniyaning Amman shahrida sport kurashlari bo‘yicha U-17 yosh toifasidagi jahon chempionati o‘z yakuniga yetdi, deb xabar bermoqda Milliy olimpiya qo‘mitasi.

Unda ishtirok etgan O‘zbekiston terma jamoasi a’zolari 1 ta oltin, 1 ta kumush va 5 ta bronza medaliga sazovor bo‘ldi.

Shuningdek, 1 ta kumush va 5 ta bronza medaliga ega chiqqan “klassik” kurashchilar umumjamoa hisobida ikkinchi bo‘ldi.

Delegatsiya hisobidagi yagona oltin medalni -48 kg vazn toifasidagi erkin kurashchi Ulug‘bek Rashidov qo‘lga kiritdi. U final bellashuvida eronlik Amirabbos Alizodani 11:0 hisobida mag‘lub etdi.

NOVA24 YouTubeʼda. Obuna boʻling
Asosiy yangiliklar va qiziqarli videolar