O‘zbekistondagi barcha siyosiy partiyalar parlament saylovlarida qatnashadigan bo‘ldi
MSK barcha siyosiy partiyaga Qonunchilik palatasi va mahalliy kengashlar deputatlar saylovida qatnashish uchun ruxsat berdi.
Markaziy saylov komissiyasi O‘zbekistondagi 5 ta siyosiy partiyaga Oliy Majlis Qonunchilik palatasi va mahalliy kengashlar deputatlar saylovida qatnashish uchun ruxsat berdi.
Saylov kodeksining 69-moddasiga muvofiq saylovda ishtirok etuvchi partiyalar ro‘yxati arizalarning kelib tushishi navbati tartibida markaziy matbuotda e’lon qilinadi.
Shunga ko‘ra, siyosiy partiyalardan hujjatlarning kelib tushishi navbatiga asosan quyidagi ketma-ketlikda siyosiy partiyalar Oliy Majlis Qonunchilik palatasi va mahalliy Kengashlar deputatlari saylovida ishtirok etishga ijozat berish to‘g‘risida qaror qabul qilindi:
- Tadbirkorlar va ishbilarmonlar harakati — Liberal-demokratik partiyaga;
- Milliy tiklanish demokratik partiyasiga;
- Ekologik partiyaga;
- Xalq demokratik partiyasiga;
- Adolat sotsial demokratik partiyasiga.
Qonunchilik palatasi deputatlarining yagona saylov okrugi bo‘yicha saylovida saylov byulleteniga unda ishtirok etayotgan siyosiy partiyalarning nomi, ramziy belgisi ularning saylovda ishtirok etishi uchun ijozat berilgan navbatiga muvofiq ketma-ketlikda kiritiladi.
Мавзуга оид хабарлар:
Tramp saylovchilar bilan uchrashgani ketayotgan samolyotda nosozlik yuzaga keldi Doniyor G‘aniyev deputatlik faoliyatini yakunladi O‘zbekistonda parlament saylovlari saylovi 27-oktabrda o‘tkaziladi Kamala Harris AQSH prezidentligiga nomzodini qo‘yish niyatida ekanini aytdi Jo Bayden AQSh prezidentlik saylovlaridan chiqishini ma’lum qildi