Oltin quymasi narxi tarixda birinchi marta million dollardan oshdi
Og‘irligi 400 unsiya bo‘lgan standart oltin quymasi narxi bir million dollardan qimmatroqqa ko‘tarildi.
Standart oltin quymasi narxi tarixda birinchi marta bir million dollardan oshdi. Bu haqda 19 avgust kungi savdolarga e’tibor qaratgan Bloomberg xabar berdi.
Oltinning bir troya unsiyasi (31,1 gramm) narxi tarixda ilk bor 16 avgust kuni 2 500 dollardan oshgandi, 19 avgustdagi savdolarda esa undan ham yuqori bo‘ldi. Shundan kelib chiqib, og‘irligi 400 unsiya bo‘lgan standart oltin quymasi bir million dollardan qimmatroqqa ko‘tarildi.
Bloomberg quyma uchun 400 unsiya og‘irligi qat’iy belgilanmaganini eslatib o‘tdi: London qimmatbaho metallar bozori assotsiatsiyasi qoidalariga ko‘ra, standart quyma vazni 350 dan 430 unsiyagacha hisoblanadi.
2024 yil boshidan buyon oltin 20 foizga qimmatlashgan. Narxlarning oshishiga AQShda foiz stavkalarining pasayishi kutilayotgani, shuningdek, Yaqin Sharqdagi geosiyosiy keskinlik sabab bo‘lmoqda. Bu vaziyatda investorlar himoya aktivlarini ko‘proq sotib olyapti.
Мавзуга оид хабарлар:
Toshkent supermarketlarida ayrim mahsulotlar narxi arzonlashdi Retseptsiz beriladigan dorilar va tibbiy texnika narxiga nisbatan cheklovlar olib tashlanadi