Abdumalik Xalokov finalda o‘zbekistonlik murabbiy sekundantlik qilayotgan bokschi bilan jang qiladi

Abdumalik Xalokov Olimpiya o‘yinlari finalida o‘zbekistonlik murabbiy Akmal Hasanov yordam berayotgan qirg‘iz bokschisi bilan jang qiladi.

O‘zbekistonlik bokschi Abdumalik Xalokov Parijdagi Olimpiada o‘yinlari finaliga chiqdi va “oltin” uchun jang qiladigan beshinchi bokschiga aylandi. Finalda unga o‘zbekistonlik boks murabbiyi yordam bergan qirg‘izistonlik sportchi raqib bo‘ladi.

O‘zbekistonlik bokschi Abdumalik Xalokov Parijdagi Olimpiya o‘yinlari finalchisiga aylandi.

24 yoshli Abdumalik Xalokov 2023-yilda jahon chempioni, 2018-yilda Osiyo o‘yinlari, Osiyo chempionati va o‘smirlar Olimpiya o‘yinlari chempioni bo‘lgan. -57 kilogrammgacha bo‘lgan vazn toifasida u kattalar olimpiadasida debyut qildi va O‘zbekiston bayroqdoriga aylandi.

Yarim finalda o‘zbekistonlik sportchi Tinch okeani o‘yinlari chempioni bo‘lgan avstraliyalik 22 yoshli Charli Seniorni 5:0 hisobida (30/27, 30/27, 30/27, 30/28, 30/28) mag‘lub etdi.

Uning final jangi 11-avgustga o‘tar kechasi soat 00:47 da o‘zbekistonlik murabbiy Akmal Hasanov yordam bergan qirg‘izistonlik Munarbek Seyitbek o‘g‘liga qarshi bo‘lib o‘tadi.

Boks bo‘yicha erkaklar terma jamoasining 7 nafar vakilidan 5 nafari Olimpiadaning final bosqichiga yo‘l oldi. “Oltin” uchun ringga birinchi bo‘lib Xasanboy Do‘smatov (-51 kg gacha) ko‘tarildi va o‘z missiyasini muvafaqqiyatli bajarib, O‘zbekiston hisobiga Keldiyorova va Rashitovdan keyingi 3-oltinni keltirdi.

NOVA24 YouTubeʼda. Obuna boʻling
Asosiy yangiliklar va qiziqarli videolar