Ulugʻbek Rashitov Parij Olimpiadasi yarim finaliga chiqdi

U keyingi jangini Ispaniya vakili Xaver Peresga qarshi olib boradi.

Fransiya poytaxtida oʻtkazilayotgan yozgi Olimpiada oʻyinlarida oʻzbek sportchilari oʻz yurishlarini davom ettirmoqda.

Teakvando boʻyicha Oʻzbekiston terma jamoasi aʼzosi Ulugʻbek Rashitov “Parij-2024” yozgi Olimpiadasidagi ishtirokini boshlab oldi.

Qayd etish kerakki, yurtdoshlarimiz orasida birinchi boʻlib teakvando bahslariga kirishgan hamyurtimiz -68 kg vazn toifasida xitoylik Liang Yushayni magʻlubiyatga uchratib medal uchun katta qadam tashladi.

Qiziqarli kechgan bahsning birinchi raundi 2:1 va ikkinchisi 9:2 hisobida yakunlandi. Shu tariqa, Ulugʻbek keyingi bosqichga chiqdi. Hamyurtimiz yarim finalda Ispaniya vakili Xavyer Peresga qarshi bahs olib boradi.

Maʼlumot uchun aytish mumkinki, Ulugʻbek Rashitov 2002-yil 23-martda tavallud topgan. 2020-yilgi Yozgi Olimpiada oʻyinlarida chempion boʻlgan. Oʻzbekiston terma jamoasi tarixida tayekvondo boʻyicha Olimpiada oʻyinlarida birinchi oltin medalni qoʻlga kiritgan.

NOVA24 TikTokʼda. Obuna boʻling
Asosiy yangiliklar va qiziqarli videolar