Andijonda yuk mashinasi temiryo‘l ko‘prigiga borib urildi

Andijon tumanida haydovchisi uxlab qolgan yuk mashinasi temiryo‘l ko‘prigiga borib urildi.

Andijonda haydovchisi uxlab qolishi oqibatida yuk mashinasi temiryo‘l ko‘prigiga borib urildi.

Viloyat YHXB matbuot xizmatining ma’lum qilishicha, 5-avgust kuni soat 4:00 larda 2002-yilda tug‘ilgan fuqaro A.S. boshqaruvida bo‘lgan Howo rusumli yuk avtomashinasini Andijon tumani “Sanoat” mahallasi hududidan o‘tgan 4R-116 avtomobil yo‘lining 83-kilometrida harakatlanib ketayotib, uxlab qolishi oqibatida boshqaruvni yo‘qotgan va temiryo‘l ko‘prigiga borib urilgan.

Ushbu YTH oqibatida yuk mashinasi hamda temiryo‘l ko‘prigi zararlangan. Tan jarohati olganlar yo‘q.

Hozirda holat yuzasidan Andijon tumani IIB Yo‘l harakati xavfsizligi guruhi xodimlari tomonidan dastlabki surishtiruv ishlari olib borilmoqda.

NOVA24 Instagramʼda. Obuna boʻling
Asosiy yangiliklar va qiziqarli videolar