Toshkentdagi ayrim avtobus yo‘nalishlariga o‘zgartirishlar kiritildi

Toshkent shahrida jamoat transporti faoliyatini maqbullashtirish maqsadida ayrim avtobus yo‘nalishlariga o‘zgartirishlar kiritildi.

Toshkent shahar jamoat transporti faoliyatini maqbullashtirish, xizmat ko‘rsatish sifatini oshirish maqsadida 2-avgust kunidan boshlab, avtobus yo‘nalishlari bo‘yicha qator o‘zgarishlar kiritilmoqda. Bu haqda “Toshshahartransxizmat” matbuot xizmati xabar berdi.

Xususan:

• 28-sonli Yangiobod mavzesi—Tibbiyot akademiyasi yo‘nalishda o‘ta katta sig‘imli King Long rusumli avtobuslar;
• 32-sonli Sergeli 6a-mavzesi—Gulobod ko‘chasi yo‘nalishda Yutong rusumli elektrobuslar;
• 119-sonli Qo‘yliq 1-mavzesi—Yunusobod dehqon bozori yo‘nalishda Yutong rusumli elektrobuslar;
• 121-sonli Yunusobod mavzesi 9-daha—Chinni bozori yo‘nalishda o‘ta katta sig‘imli King Long rusumli avtobuslar;
• 156-sonli Qipchoq metrosi—G‘alaba mahallasi yo‘nalishda MAN rusumli avtobuslar;
• 174-sonli Jumabozor qo‘rg‘oni—Aviasozlar ASHB yo‘nalishda Yutong CNG rusumli avtobuslar bilan yo‘lovchilarga xizmat ko‘rsatish yo‘lga qo‘yiladi.

NOVA24 YouTubeʼda. Obuna boʻling
Asosiy yangiliklar va qiziqarli videolar