Buxoroda 5 yashar bolani kaltaklagan erkakka doir ish hujjatlari sudga yuborildi

O‘tkazilgan sud tibbiy ekspertiza natijalariga ko‘ra, bolaga yengil darajadagi tan jarohati yetkazilganligi aniqlangan.

Buxoroda erkak o‘g‘li bilan urishgan 5 yashar bolani kaltakladi. Bolalar ombudsmani ushbu fuqaroga nisbatan maʼmuriy javobgarlikka oid ish qo‘zg‘atilganini maʼlum qildi.

Qayd etilishicha, olib borilgan tergovga qadar tekshiruv jarayonida 24-iyun kuni mazkur bog‘chada bo‘lgan A.Yu. boshqa bola A.S. bilan urishgan. Shu sababli A.S.ning otasi X.F. bolani yuziga urib, jarohat yetkazganligi maʼlum bo‘lgan.

O‘tkazilgan sud tibbiy ekspertiza natijalariga ko‘ra, bolaga yengil darajadagi tan jarohati yetkazilganligi aniqlangan.

Holat yuzasidan X.F.ga MJtKning 52-moddasi 2-qismi (yengil tan jarohati yetkazish) bilan maʼmuriy javobgarlikka oid ish qo‘zg‘atilib, ish hujjatlari jinoyat ishlari bo‘yicha Olot tuman sudiga yuborilgan.

NOVA24 YouTubeʼda. Obuna boʻling
Asosiy yangiliklar va qiziqarli videolar