Toshkentda soxta havola orqali o‘zganing 10,3 mln so‘m pulini o‘zlashtirgan shaxs aniqlandi
Toshkentda soxta havola yuborib, o‘zganing pulini o‘zlashtirgan 19 yoshli shaxs aniqlandi
Toshkent shahrida yashovchi 21 yoshli ayol T.B. ichki ishlarga murojaat qilib, bank kartasidan 10 mln 336 ming so‘m miqdoridagi pul mablag‘lari nomaʼlum shaxs tomonidan o‘zlashtirilganini maʼlum qilgan. Bu haqda Kiberxavfsizlik markazi xabar berdi.
Tezkor-qidiruv xizmati kiberxavfsizlik bo‘linmalari xodimlari tomonidan o‘tkazilgan tezkor-qidiruv tadbirlari natijasida, mazkur jinoyatni Toshkent shahrida yashovchi 19 yoshli A.B. sodir etgani aniqlangan.
Gumonlanuvchi sifatida tergov organlariga jalb etilgan A.B. Internet foydalanuvchilariga Telegram orqali turli xil mazmunidagi xabarni (havola) jo‘natib, ularni qiziqtirib, bank karta maʼlumotlarini qo‘lga kiritish orqali bank kartalarida saqlangan pullarni o‘g‘irlab, qing‘ir yo‘llar bilan boylik orttirib kelayotgani maʼlum bo‘ldi.
Mazkur holat yuzasidan A.B.ga nisbatan Jinoyat kodeksining 169-moddasi (o‘g‘rilik) 3-qismi “b” bandi bilan jinoyat ishi qo‘zg‘atildi.
Мавзуга оид хабарлар:
Soxta havola orqali o‘zganing pullarini o‘zlashtirgan shaxs ushlandi Toshkentdagi xonadonlardan birida yongʻin chiqdi Toshkentda odamlar go‘shtdan zaharlangani haqida xabar tarqaldi Toshkentda 10 dan ortiq avtobus yo‘nalishi vaqtincha o‘zgaradi O‘zbekistonda elektromobil sotuvlari nisbatan pasaydi