Kuvayt O‘zbekistonda onkologik kasalliklarni erta aniqlash markazini qurishni rejalashtirmoqda
Toshkent viloyatida onkologik kasalliklarni erta aniqlash bilan bog‘liq diagnostika markazini qurish, shuningdek, bu sohada malakali kadrlarni tayyorlash uchun tibbiyot muassasasini barpo etish rejalashtirilmoqda.
O‘zbekiston elchixonasi ko‘magida Kuvaytning Gulf General Trading Co. Ltd. kompaniyasi ishchi guruhining Toshkent viloyatiga biznes-missiyasi tashkil etildi.
Tashrif chog‘ida Kuvayt kompaniyasi delegatsiyasi Toshkent viloyati hokimi Zoir Mirzayev bilan muzokara o‘tkazdi. Unda hamkorlik istiqbollari muhokama qilindi.
Toshkent viloyatida xorijiy investorlarga uchun yaratilgan sharoitlar, taklif etilayotgan loyihalar va boshqalar haqidagi batafsil ma’lumotlar Kuvayt tomoniga yetkazildi.
Uchrashuvda Toshkent viloyatida onkologik kasalliklarni erta aniqlash bilan bog‘liq diagnostika markazini qurish, shuningdek, bu sohada malakali kadrlarni tayyorlash uchun tibbiyot muassasasini barpo etish, uy-joy, savdo, xizmat ko‘rsatish obektlarini qurish loyihalarini amalga oshirish xususida fikr almashildi.
Muzokaralar yakunida o‘zaro hamkorlikning aniq yo‘nalishlari va unga investitsiyalar kiritish bo‘yicha dastlabki kelishuvlarga erishildi.
Мавзуга оид хабарлар:
Toshkent va yana ikki viloyat chegarasiga o‘zgartirish kiritilmoqda Ish vaqtida vafot etgan “elektroset” xodimining oilasiga 340 mln soʻm undirib berildi Toshkent viloyatidagi ochiq dala maydonida yong‘in sodir bo‘ldi Parkent tumanida ming yillik tarixga ega qabr qoldiqlari topildi O‘rta Chirchiqda ishlab chiqarish sexi 214 mln so‘mlik gazdan noqonuniy foydalangani aniqlandi