Қозоғистонда ўзбекистонлик жиянларига жинсий зўравонлик қилган эркак ушланди
У васийликка олган қиз жиянларига нисбатан уятсиз-бузуқ ҳаракатлар содир қилгани таъкидланмоқда.
![Қозоғистонда ўзбекистонлик жиянларига жинсий зўравонлик қилган эркак ушланди](https://nova24.uz/uz/wp-content/uploads/2024/06/V3OvzTj53_Rq81ONEQmxiziUMjQWWijl.jpeg)
Қозоғистонда ўзбекистонлик қиз жиянларини васийликка олган ва уларга нисбатан жинсий зўравонлик қилган эркак ушланди. Бу ҳақда Болалар омбудсмани Сурайё Раҳмонова хабар берди.
Қайд қилинишича, Болалар омбудсманига 2000 йилда туғилган аёлдан мурожаат келиб тушган. У мурожаатида ота-онаси вафот этгани, шундан кейин, 2006 йилда ва 2012 йилда туғилган сингиллари Қозоғистонда яшовчи амакисига васийликка берилганини маълум қилган.
Аёлнинг айтишича, амакиси сингилларига нисбатан уятсиз-бузуқ ҳаракатлар содир қилган. Шу сабабли, амакисига нисбатан қонуний чора кўришни ҳамда сингилларини Ўзбекистонга қайтариб, ўзини қонуний вакил этиб тайинланишида амалий ёрдам сўраган.
Хабарга кўра, икки давлатнинг мутасадди идоралари ҳамкорлигида 8 июн куни эркак Қозоғистон полицияси томонидан ушланган. Вояга етмаган қизлар Олмаота шаҳри адаптация марказига жойлаштирилган, уларга ижтимоий-психологик кўмак кўрсатилаётгани таъкидланмоқда.
Хабарга кўра, эркакка нисбатан Қозоғистон Жиноят кодекси 121-моддаси (Жинсий характердаги зўравонлик ҳаракатлари) билан жиноят иши қўзғатилиб, қамоққа олиш эҳтиёт чораси қўлланган. Маълум қилинишича, Болалар омбудсмани, ИИВ ва ТИВ томонидан вояга етмаган қизларни Ўзбекистонга қайтариш чоралари кўрилмоқда.
Мавзуга оид хабарлар:
Қозоғистонда Ўзбекистон фуқароси яшин уриши оқибатида ҳалок бўлди Қозоғистон Ўзбекистон билан иттифоқчилик муносабатлари тўғрисидаги шартномани ратификация қилди Қозоғистон ёз охиригача шакар экспортини тақиқлади Ўзбекистон ва Тожикистоннинг 16 нафар фуқароси Қозоғистондан чиқариб юборилди Қозоғистонда ишлаётган ўзбекистонлик муҳожирлар шароитлари ўрганилмоқда
Soʻnggi yangiliklar
![Samarqandda Nexia-2 urib yuborgan bola halok boʻldi](https://nova24.uz/uz/wp-content/uploads/2024/07/O6fl5xCrpHqdJ0kvuJrM9eITcFv2tN81-300x160.jpg)
![Fargʻonada fuqaro IIB xonasida hushini yoʻqotib, reanimatsiyaga yotqizildi](https://nova24.uz/uz/wp-content/uploads/2024/07/2024-07-05-17.29.57-300x200.jpg)
![Talablarni toʻliq bajarmagani uchun 90 ming abituriyent arizasi rad etildi](https://nova24.uz/uz/wp-content/uploads/2024/07/2024-07-05-16.32.24-300x200.jpg)
![Oʻzbekistonda xorijiy siyosiy partiyalar faoliyati taqiqlandi](https://nova24.uz/uz/wp-content/uploads/2024/07/2024-07-05-15.14.09-300x200.jpg)
![4 ta tuman soliq inspeksiyasi boshligʻi lavozimidan ozod etildi](https://nova24.uz/uz/wp-content/uploads/2024/07/n0wSbiRazHnFRdTU6cI_uZJ0wefF3zaj-300x200.jpg)
![“Ayritom” chegara bojxona postida qariyb 8 kg giyohvand modda toʻxtatib qolindi](https://nova24.uz/uz/wp-content/uploads/2024/07/UjvatEir9KZFY7OJx0_PEaOjCi1SFmf-300x185.jpg)
![Navoiyda 8 yoshli qiz mashina bosib ketishi oqibatida halok boʻldi](https://nova24.uz/uz/wp-content/uploads/2024/07/J6961K17201589061364_b-300x200.jpg)
![Samarqandda katta pul evaziga ikki kishini AQSHga yubormoqchi boʻlgan shaxs ushlandi](https://nova24.uz/uz/wp-content/uploads/2024/07/pGss4u8U-cKQB67mw8mlz5O3ncLevmrX-300x183.jpg)