Жиззахда даладан эркак мурдаси топилди

ИИБнинг маълум қилишича, у маҳалладошининг тош билан етказган жароҳати оқибатида вафот этган. Ҳолат бўйича жиноий иш очилди.

Тармоқларда Жиззах вилояти Фориш туманидаги даладан эркак кишининг мурдаси топилгани айтилган видео тарқалди. Вилоят Ички ишлар бошқармаси ҳолат юзасидан жиноят иши қўзғатилганини маълум қилди.

Қайд этилишича, тасвирларда туманнинг Қорабдолота маҳалла фуқаролар йиғинида яшовчи А.П. акс этган. У маҳалладоши С.Р. томонидан тош билан етказилган жароҳат оқибатида вафот этган.

Ҳолатга нима сабаб бўлганига аниқлик киритилмаган. Айбланувчига нисбатан Жиноят кодексининг 104-моддаси 3-қисми «д» банди (Қасддан баданга оғир шикаст етказиш; жабрланувчининг ўлимига сабаб бўлиши) билан жиноят иши қўзғатилган.

NOVA24 Telegramʼda. Obuna boʻling
Tezkor xabarlar va asosiy voqealar