Нукусдан Олмаотага авиақатновлар йўлга қўйилади

Парвозлар ҳафтанинг чоршанба ва шанба кунлари амалга оширилади.

1 июндан бошлаб Нукус шаҳридан Қозоғистоннинг Олмаота шаҳрига авиақатновлар йўлга қўйилади. Бу ҳақда Uzbekistan Airways хабар берди.

Қайд қилинишича, парвозлар ҳафтанинг чоршанба ва шанба кунлари қуйидаги жадвалга мувофиқ амалга оширилади:

• Нукусдан жўнаб кетиш маҳаллий вақт билан соат 10:05;
• Олмаотага етиб бориш маҳаллий вақт билан соат 12:15;
• Олмаотадан жўнаб кетиш соат 13:15;
• Нукусга етиб келиш соат 15:45.

Бир томонга авиачипта нархи 1 млн 64 минг сўмдан, Нукус–Олмаота–Нукус йўналиши бўйича эса 1 млн 849 минг сўмдан бошланади.

NOVA24 YouTubeʼda. Obuna boʻling
Asosiy yangiliklar va qiziqarli videolar