Амударё устидан ўтувчи қўшма кўприкда транспорт ҳаракати вақтинча тўхтатилади

7-9 май кунлари Амударё устидан ўтувчи қўшма кўприкда автотранспорт воситалари ҳаракати вақтинча тўхтатилади. Ушбу давр мобайнида транспорт ҳаракати Қипчоқ понтон кўприги орқали амалга оширилади.

Қорақалпоғистон Республикасининг Амударё туманида Қипчоқ – Блокпост станциялари оралиғидаги темирйўл кесишмасини жиҳозлаш бўйича қўшимча ишлар олиб борилади.

«Ўзбекистон темир йўллари» акциядорлик жамияти хабарига кўра, шу муносабат билан 2024 йил 7 май куни соат 14:00 дан 2024 йил 9 май соат 14:00 гача қўшма кўприкда автотранспорт воситалари ҳаракати вақтинча тўхтатилади.

Ушбу давр мобайнида автотранспорт воситалари ҳаракати Қипчоқ понтон кўприги орқали амалга оширилади.

Маълумот учун, кўприкнинг узунлиги 423 метр. У билан бирга Шовот-Қораўзак бекатларини боғлайдиган 85 километрлик темирйўл ҳамда 3 та вокзал ҳам барпо этилган.

Бу иншоот самарасида йўлнинг ўтказиш қобилияти 4 баробарга ошиб, бир кеча-кундузда 12 минг автомобил ҳаракатланади. Натижада 48 минг йўловчининг 2 соат вақти тежалади ва дарёдан хавфсиз ўтиши таъминланади.

NOVA24 YouTubeʼda. Obuna boʻling
Asosiy yangiliklar va qiziqarli videolar