G7 давлатлари 2035 йилгача кўмирдан воз кечиш бўйича келишувга эришди

«Катта еттилик» мамлакатлари тошкўмирдан босқичма-босқич воз кечиш бўйича умумий сана бўйича принципиал келишувга эришди. Ҳужжат 30 апрел куни имзоланиши режалаштирилган.

«Еттилик гуруҳи» (G7) мамлакатлари энергетика вазирлари 2030-йилларнинг биринчи ярмигача электр энергияси ишлаб чиқаришда кўмирдан фойдаланишни босқичма-босқич тўхтатиш бўйича принципиал келишувга эришди. «Техник келишув бор», деди Италия энергетика вазири Жилберто Пикетто-Фратин.

Якуний келишув 30 апрел, сешанба куни имзоланиши керак. Шу куни иқтисодиётни карбонсизлантириш бўйича батафсил режа эълон қилинади. «Катта еттилик» давлатлари 2023 йилда кўмирда ишловчи электр станцияларини босқичма-босқич тўхтатишга келишиб олди, бироқ давлатлар умумий сана бўйича бир қарорга келмади.

NOVA24 Instagramʼda. Obuna boʻling
Asosiy yangiliklar va qiziqarli videolar