Uzbekistan Airways Россияга кетаётган фуқаролардан ўзлари билан исириқ олмасликни сўради

Uzbekistan Airways Россияга жўнаб кетаётган йўловчиларга мамлакатда исириқ гиёҳванд моддаларни ўз ичига олган ва назорат қилинадиган ўсимликлар рўйхатига киритилганини эслатди. Авиакомпания фуқаролардан ўзлари билан бу ўсимликни олмасликни сўради.

Uzbekistan Airways Россияга жўнаб кетаётган йўловчиларга ўзлари билан исириқ ўсимлигини олмасликни эслатди.

Авиакомпаниянинг ёзишича, Россия қонунчилигига кўра, ҳармала (исириқ) гиёҳванд моддаларни ўз ичига олган ва назорат қилинадиган ўсимликлар рўйхатига киритилган.

Исириқни мамлакатга олиб кириш билан боғлиқ барча ҳаракатлар Россия Федерацияси Жиноят кодексининг 229−1-моддасига мувофиқ жиноий жавобгарликка тортилади. Ушбу модданинг санкцияси бир миллион рублгача жарима ва 3 йилдан 7 йилгача озодликдан маҳрум қилиш тарзидаги жазони назарда тутади.

«Юқоридагиларни инобатга олган ҳолда, сиздан ушбу турдаги ўсимликни қўл юкингизда ва багажда олиб ўтмаслигингизни сўраймиз», — дейилади хабарда.

NOVA24 Instagramʼda. Obuna boʻling
Asosiy yangiliklar va qiziqarli videolar