Ўзбекистон февралда энг кўп олтин сотган давлат бўлди

Ўзбекистон Марказий банки феврал ойида дунёнинг бошқа мамлакатларига қараганда кўпроқ – 12 тонна олтин сотди.

Ўзбекистон Марказий банки феврал ойида дунёдаги бошқа молиявий регуляторлардан кўпроқ олтин сотди. Бу ҳақда Жаҳон Олтин Кенгашининг (WGC) ойлик маълумотларида келтириб ўтилган.

Ҳисобот даврида жаҳон марказий банкларининг жами олтин захиралари 19 тоннага ошган. Аммо қимматбаҳо металлни харид қилиш ҳажми январ ойига (45 тонна) нисбатан 58 фоизга камайган.

Феврал ойида қимматбаҳо металларнинг энг фаол харидорлари Хитой (12 тонна), Қозоғистон (6 тонна) ва Ҳиндистон (6 тонна) Марказий банклари бўлди.

Мазкур вақтда олтиннинг асосий сотувчиси Ўзбекистон Марказий банки бўлди ва ўз захираларини 12 тоннага қисқартирди. Шунингдек, Иордания Марказий банки томонидан ҳам 4 тонна олтин сотилган.

NOVA24 YouTubeʼda. Obuna boʻling
Asosiy yangiliklar va qiziqarli videolar