Ўзбекистонда йиллик инфляция 8 фоиздан пастлагани маълум қилинди

Агентликка кўра, йиллик нисбатдаги истеъмол секторидаги нархларнинг ўсиш даражаси 7,98 фоизни ташкил этган.

2024 йил март ойида йиллик нисбатдаги истеъмол секторидаги нархларнинг ўсиш даражаси 7,98 фоизга тушди, дея маълум қилди Статистика агентлиги.

Агентликка кўра, йиллик нисбатдаги истеъмол секторидаги нархларнинг ўсиш даражаси 7,98 фоизни ташкил этган. Бу – 2016 йил май ойидан бери қайд этилган энг паст йиллик инфляция ҳисобланади.

Таъкидланишича, 2024 йилнинг мартида донли экинлар ва ёрма маҳсулотлари, ёғлар ва мойлар, сабзавотлар, илдиз мевалилар ва дуккаклилар ҳамда шакар, қандолат маҳсулотлари ва десертлар гуруҳларида йиллик нисбатдаги истеъмол нархлари индекси 2023 йилнинг мартидаги мос кўрсаткичдан сезиларли даражада паст бўлган.

NOVA24 YouTubeʼda. Obuna boʻling
Asosiy yangiliklar va qiziqarli videolar