Жиззахда маст ҳайдовчи 20 ёшли пиёдани уриб юбориб, унинг ўлимига сабабчи бўлди

Ҳодиса юзасидан жиноят иши қўзғатилган. Ҳайдовчи айбланувчи тариқасида ушланган ва унга нисбатан қамоққа олиш тарзидаги эҳтиёт чораси қўлланган.

Жиззах вилояти Фориш туманида маст ҳолда бўлган Nexia-2 ҳайдовчиси йўл четидаги 20 ёшли пиёдани уриб юбориб, унинг ўлимига сабабчи бўлди.

Қайд этилишича, туманнинг «Эгизбулоқ» маҳалласида 45 ёшли ҳайдовчи Nexia-2 машинаси билан ҳаракатланиб келиб, йўл четидан кетаётган 20 ёшли Х.М. исмли пиёдани уриб юборган. Сўнгра жабрланувчига биринчи ёрдамни кўрсатмасдан воқеа жойидан қочиб кетган.

Оқибатда пиёда оғир тан жароҳати олган. Уни ўша ерда бўлган ҳамкасби шифохонага олиб борган. Шифокорлар томонидан кўрсатилган муолажаларга қарамасдан йигит вафот этган. Ҳодиса юзасидан жиноят иши қўзғатилган. Ҳайдовчи айбланувчи тариқасида ушланган ва унга нисбатан қамоққа олиш тарзидаги эҳтиёт чораси қўлланган.

NOVA24 YouTubeʼda. Obuna boʻling
Asosiy yangiliklar va qiziqarli videolar