Тошкентда учта автомашина иштирокида ЙТҲ содир бўлди

ЙТҲ оқибатида Nexia-2 автомашина йўловчиси тан жароҳати олган, шифокорлар томонидан биринчи тиббий ёрдам кўрсатилган.

Пойтахтнинг Шайхонтоҳур туманида Nexia-3, Lacetti ҳамда Nexia-2 иштирокида йўл-транспорт ҳодисаси содир бўлди.

23 март куни соат 22:30 ларда Шайхонтоҳур тумани Фурқат кўчасида Nexia-3, Lacetti ҳамда Nexia-2 русумли автомашиналар тўқнашуви оқибатида йўл-транспорт ҳодисаси содир бўлган.

Тошкент шаҳар ИИББ Йўл ҳаракати хавфсизлиги бошқармаси хабарига кўра, ЙТҲ оқибатида Nexia-2 автомашина йўловчиси тан жароҳати олган, шифокорлар томонидан биринчи тиббий ёрдам кўрсатилган.

Ҳолат юзасидан Тошкент ЙҲХБ масъул ходимлари томонидан суриштирув ҳаракатлари олиб борилмоқда. «Барча ҳайдовчилардан белгиланган қоидаларга амал қилишни ҳамда оралиқ масофани сақлаб ҳаракатланишни сўраймиз», — дейилади хабарда.

NOVA24 Instagramʼda. Obuna boʻling
Asosiy yangiliklar va qiziqarli videolar