![Andijonda tadbirkorga kredit bermagan bankdan 200 mln so‘m undirildi](https://nova24.uz/uz/wp-content/uploads/2024/09/2024-09-06-20.26.03-lMSaXPr9-300x196.jpg)
Дизел ёнилғиси нархи 15 фоизга арзонлашади
«Ўзбекнефтгаз» АЖ бошқаруви раиси Баҳодир Сиддиқовнинг маълум қилишича, 2024 йилда 680 минг тонна дизел ёнилғиси фермер хўжаликларига етказиб берилади. Шунингдек, ушбу маҳсулотнинг биржага қўйиладиган нархлари 15 фоизга арзонлаштирилади.
![Дизел ёнилғиси нархи 15 фоизга арзонлашади](https://nova24.uz/uz/wp-content/uploads/2024/02/8LjyTm4SbHXm09-7RvQVRUnbr26nb9wF.jpg)
Дизел ёнилғиси нархи 15 фоизга арзонлашади ва ишлаб чиқариш 200 минг тоннагача оширилади. Бу ҳақда «Ўзбекнефтгаз» АЖ бошқаруви раиси Баҳодир Сиддиқов маълум қилди.
«Давлатимиз раҳбари бошчилигида бўлиб ўтган йиғилишда қишлоқ хўжалиги олдида турган долзарб вазифалар белгилаб берилди. Асосий ишлардан бири таннархни камайтириш. Бу борадаги асосий харажатлардан бири дизел ёнилғиси билан боғлиқ. «Ўзбекнефтгаз» олдига 2024 йилда 680 минг тонна дизел ёнилғисини сифатли ва арзонлаштирилган нархларда фермер хўжаликларига етказиб бериш вазифаси қўйилди. Ушбу вазифани бажариш таъминланади. Биз 2024 йилда 2023 йилга нисбатан қўшимча 200 минг тонна дизел ёнилғисини ишлаб чиқаришни режалаштирганмиз.
Биз дизел ёнилғисининг биржага қўйиладиган нархларини 15 фоизга камайтириш бўйича ҳамма чораларни кўряпмиз. Ушбу маҳсулотнинг сифати ва ўз вақтида етказиб берилишини таъминлаш учун янгича тартиб ўрнатамиз. Бу тартиб орқали ҳудудлар кесимида «Ўзбекнефтгаз»нинг марказий аппарати ва нефтбазалари, бундан ташқари фермерларга хизмат кўрсатувчи ёнилғи қуйиш шохобчаларидаги масъулларнинг алоҳида масъулиятини белгилаб берамиз», деди Баҳодир Сиддиқов.
Soʻnggi yangiliklar
![Andijonda tadbirkorga kredit bermagan bankdan 200 mln so‘m undirildi](https://nova24.uz/uz/wp-content/uploads/2024/09/2024-09-06-20.26.03-lMSaXPr9-300x196.jpg)
![Uch yildan beri qidiruvda bo‘lgan o‘zbekistonlik ayol Turkiyadan deport qilindi](https://nova24.uz/uz/wp-content/uploads/2024/09/image_2024-09-07_15-28-47-300x165.png)
![Jizzaxda o‘zganing nomiga onlayn kredit rasmiylashtirgan soxta bank xodimi ushlandi](https://nova24.uz/uz/wp-content/uploads/2024/09/photo_2024-07-24_22-40-46-300x194.jpg)
![Roʻza Qoʻziyeva Paralimpiyada kumush medaliga ega chiqdi](https://nova24.uz/uz/wp-content/uploads/2024/09/image_2024-09-07_16-42-06-300x180.png)
![Toshkentda aksiz markasiz alkogol mahsulotlari savdodan olindi](https://nova24.uz/uz/wp-content/uploads/2024/09/image_2024-09-07_13-38-11-300x191.png)
![Paralimpiyada. Oʻzbekistonning oltin medallari soni 10 taga yetdi](https://nova24.uz/uz/wp-content/uploads/2024/09/photo_2024-09-07_15-08-16-300x185.jpg)
![Ohangaron va Namanganda elektrdan noqonuniy foydalanish holatlari aniqlandi.](https://nova24.uz/uz/wp-content/uploads/2024/09/iu-vyNzpT_--300x168.jpg)
![Ayrim o‘qituvchilarga kabinet mudirligi uchun ham qo‘shimcha haq to‘lanadi](https://nova24.uz/uz/wp-content/uploads/2024/09/image_2024-09-07_13-18-12-300x169.png)