Хонадонларда иссиқ сув ҳарорати 50 даражадан паст бўлса, тўлов ичимлик суви тарифида тўланади

Адлия вазирлиги марказлаштирилган тизимга уланган хонадонларда иссиқ сув таъминотига қўйиладиган талабларни эслатди.

Адлия вазирлигининг тушунтиришича, марказий тизимга уланган хонадонларда иссиқ сув 50-75 даража бўлиши керак.

Иссиқ сув ҳароратининг йўл қўйиладиган четга чиқиши қуйидагича:

• тунги вақтда (соат 0:00 дан соат 05:00 гача) – 5 даражадан ортиқ эмас;
• кундузги вақтда (соат 05:00 дан соат 00:00 гача) – 3 даражадан ортиқ эмас.

Агар иссиқ сув юқоридаги талабларга жавоб бермаса, у учун тўловлар ичимлик суви тарифида тўланади.

NOVA24 Instagramʼda. Obuna boʻling
Asosiy yangiliklar va qiziqarli videolar