Япониянинг қурилиш ассоциацияси ўзбекистонликларни ишга жалб қилмоқчи

Меҳнат миграцияси соҳасида ҳамкорлик ўрнатилгач, фуқаролар қурилиш соҳасидаги ишларга ташкиллаштирилган ҳолда жўнатилиши мумкин.

Япониянинг қурилиш ассоциацияси ўзбекистонликларни ишга жалб қилмоқчи. Бу ҳақда Ташқи меҳнат миграцияси агентлиги матбуот хизмати хабар берди.

Агентлик ва Япония қурилиш компаниялари ассоциацияси раҳбарияти ўртасида учрашув ўтказилди. Унда меҳнат миграцияси соҳасида ҳамкорликни йўлга қўйиш масаласи кўриб чиқилди.

Шу билан бирга, томонлар ўзбекистонликларни Япониянинг қурилиш соҳасидаги ишларга ташкиллаштирилган ҳолда жалб этишни муҳокама қилди. Ассоциация вакиллари япон тили ва касбга ўргатиш марказлари фаолияти, қурилиш соҳасида ишчиларни касбга тайёрлаш жараёни билан танишиш истагини билдирди.

NOVA24 TikTokʼda. Obuna boʻling
Asosiy yangiliklar va qiziqarli videolar