Oʻzbekiston oʻnlab zamonaviy samolyotlar sotib oladi

Mutasaddilarga har bir yoʻnalish boʻyicha parvozlar soni va jalb qilinishi mumkin boʻlgan sayyohlar sonini hisoblash topshirildi.

Oʻzbekiston 14 ta zamonaviy Airbus samolyotini sotib oladi va yana beshtasini ijaraga oladi, deyiladi prezidentning turizmni rivojlantirish masalalari boʻyicha yigʻilishida.

Maʼlumotlarga koʻra, davlat rahbari Fransiyaga tashrifi chogʻida tegishli shartnomani imzolagan. Bundan tashqari, mamlakat Boeing kompaniyasi bilan 12 ta samolyot yetkazib berish boʻyicha muzokaralarni ham boshladi.

Mutasaddi rahbarlar va idoralarga ushbu imkoniyatlardan samarali foydalanish, har bir yoʻnalish boʻyicha parvozlar va turistlar sonini oldindan hisob-kitob qilish yuzasidan koʻrsatmalar berildi.

NOVA24 Telegramʼda. Obuna boʻling
Tezkor xabarlar va asosiy voqealar