O‘zbekistonda magnit bo‘roni cho‘zilmoqda
Meteorologlar yana ikki kun davomida o‘rtacha darajadagi geomagnit tebranishlarni prognoz qilmoqda.
Meteonova ma’lumotlariga ko‘ra, 8 va 9-noyabr kunlari O‘zbekistonda “sariq” darajadagi magnit bo‘roni bo‘ladi.
Ma’lumotlarga ko‘ra, geomagnit g‘alayonlar kuchi 4 ballni tashkil etadi. Geozarbalar soat 08:00 da bo‘lishi kutilmoqda, shundan so‘ng ko‘rsatkich 3 ballgacha pasayadi. 9 noyabrda bo‘ron intensivligi ham 4 ballgacha ko‘tariladi.
Magnit bo‘ronlarining ta’sirini yurak-qon tomir kasalliklari, asab tizimi kasalliklari, qandli diabet va bronxial astma bilan og‘rigan odamlar, bundan tashqari, ob-havoga sezgir va meteopatiya (ob-havo sharoiti tufayli og‘riq) alomatlarini boshdan kechirayotgan odamlar eng ko‘p his qilishadi.
Avvalroq dam olish kunlari o‘zbekistonliklar sovuqdan keyin isinishi haqida xabar berilgandi. O‘zbekiston hududidan sovuq havo massasining chekinishi boshlandi.
Комментарии